काठमाडौं, ११ भदौ । सत्तारुढ नेपाल कम्युनिस्ट पार्टी (एमाले) का केन्द्रीय सदस्य ऐन महरलाई गाली बेइज्जती तथा चरित्र हत्या गरेको आरोपमा पक्राउ गरिएको छ ।
महरमाथि एक महिलाले साइबर अपराधसम्बन्धी उजुरी दिएपछि उनीमाथि अनुसन्धान अघि बढाइएको हो । महिलाले हुलाकमार्फत साइबर ब्युरोमा जाहेरी दिएकी थिइन् ।
जाहेरीमा महरले सामाजिक सञ्जाल वा अन्य डिजिटल माध्यमबाट अपमानजनक र चरित्र हत्या गर्ने खालका सामग्री सम्प्रेषण गरेको आरोप लगाइएको छ ।
उजुरीको आधारमा साइबर ब्युरोले अनुसन्धान थालेको थियो र काठमाडौं जिल्ला अदालतबाट पक्राउ पुर्जी जारी भएको साइबर ब्युरोका एसपी दीपकराज अवस्थीले जानकारी दिए ।
एसपी अवस्थीका अनुसार, “पक्राउ पुर्जी जारी भएपछि महर ब्युरोमा स्वयं उपस्थित हुनुभएको थियो । त्यसपछि हामीले कानुनी प्रक्रिया अनुसार आवश्यक कारबाही अगाडि बढायौं ।
अहिले उहाँ जिल्ला सरकारी वकिलको कार्यालय काठमाडौंमा हुनुहुन्छ । त्यहाँबाट प्रतिवेदन तयार गरी उहाँलाई अदालतमा प्रस्तुत गरिनेछ ।
