काठमाडौँ, १८ असार । पूर्वराष्ट्रपति विद्यादेवी भण्डारीले आफ्नो पदावधिपछि राज्यबाट प्राप्त गर्दै आएकी सुरक्षाबाहेकका सबै सेवा–सुविधा त्यागेको पत्र गृह मन्त्रालयमा पठाएकी छन् ।
सरकारी स्रोतका अनुसार बुधबार भण्डारीको तर्फबाट पठाइएको पत्र गृहमन्त्रालयमा दर्ता भएको छ । उक्त पत्रमा पूर्वराष्ट्रपति भण्डारीले सचिवालयमा कार्यरत उपसचिव, शाखा अधिकृत र कार्यालय सहयोगी फिर्ता गर्नेसहितका माग गरिएको उल्लेख छ ।
यसअघि पनि भण्डारीले राजनीतिक टिप्पणी तथा सार्वजनिक जीवनमा सक्रियता देखाउँदै आएको बेला उनको सुविधा सम्बन्धी विषयमा सार्वजनिक बहस उठ्ने गरेको थियो । 
