काठमाडौं, ५ असार । प्रतिनिधिसभा बैठक आज विहिवार बसिहेका छन् ।
बैठक नयाँ बानेश्वरस्थित संसद भवनमा बस्र्दै छ । बैठकमा राज्य व्यवस्था तथा सुशासन समितिका सभापति रामहरि खतिवडाले ’नेपाल नागरिकता (दोस्रो संशोधन) विधेयक सम्बन्धी समितिको प्रतिवेदन २०८२ ’पेस गर्ने कार्यसूची रहेको हो ।
यसैगरी बैठकमा विनियोजन विधेयक, २०८२ को विभिन्न शीर्षकहरूमाथि छलफल हुने कार्यसूचीमा तयार गरेको छ ।
वन तथा वातावरण मन्त्रालय,सङ्घीय मामिला तथा सामान्य प्रशासन मन्त्रालय,ऊर्जा, जलस्रोत तथा सिंचाई मन्त्रालय,रक्षा मन्त्रालय,कृषि तथा पशुपन्छी विकास मन्त्रालय,स्वास्थ्य तथा जनसङ्ख्या मन्त्रालय,कानुन,न्याय तथा संसदीय मामिला मन्त्रालयको विभिन्न शीर्षकमाथि छलफल हुने संघीय संसद सचिवालयले बताएको छ ।
विनियोजन विधेयक, २०८२ अन्तर्गत माथि उल्लेख भएका मन्त्रालयका विभिन्न शीर्षकमाथि प्राप्त खर्च कटौतीका प्रस्तावहरू प्रस्तुत पेश हुन स्क्छ ।
