काठमाडौं, २ असार । इटालियन पेस्तोल र २५ राउण्ड गोलीसहित एकजना युवा पक्राउ गरेका छन् ।
पक्राउ गरेको युवा मकवानपुरको राक्सिङ गाउँपालिका–१ घर भएका राजु स्याङतान हो । उनलाई बागमती प्रदेश प्रहरी कार्यालय र जिल्ला प्रहरी कार्यालय मकवानपुरको संयुक्त टोलीले ३१ जेठमा साँझ ७ बजेतिर पक्राउ गरेको थिए ।
उनी सुत्ने ओच्छ्यानको सिरानीमुनि कपडाले बेरेर राखेको अवस्थामा ७.६५ एमएम युनिभर्सल मेड इन इटाली ०२५ लेखिएको पेस्ताल प्रहरीले बरामद गरेका हुन् । यो पेस्तोलको म्यागजिन एक थान र १३ राउण्ड गोली पनि बरामद भएको प्रहरीले जनाएको छ ।
त्यसैगरी स्याङतानकै गोठमा मैकैको खोस्टाभित्र लुकाएर राखेको कटुवा पेस्ताल पनि प्रहरीले बरामद गरेको हो । उक्त पेस्तोल र १२ राउण्ड गोली बरामद भएको प्रहरीले जनाएको छ । उनको घरबाट अफिम जस्तो देखिने गिलो पदार्थ १ किलो ३१० ग्राम र गाँजा २२ किलो ८ सय ग्राम बरामद गरिएको प्रहरीले जानकारी दिए ।
पक्राउ परेका उनीविरुद्ध लागुऔषध र हातहतियार खरखजनाको कसुरमा ७ दिनको म्याद लिएर अनुसन्धान गरिएको प्रहरीले जनाए ।
