काठमाडौं, २२ जेष्ठ । भारतको बैंग्लोरुमा एम. चिन्नास्वामी क्रिकेट रंगशालाको बाहिर भएको भागदौडमा खसेर १२ जनाको मृत्यु भएका छन् ।
आइपीएल विजेता आरसीबीले विजय उत्सव मनाउने क्रममा भएको भागदौडमा ३३ जनाको घाइते भएको छ । कर्नाटक राज्यका मुख्यमन्त्री सिद्धारमैयाले आयोजित पत्रकार सम्मेलन गरेर घटनाका विषयमा छानबिन हुने जनाएको हो ।
’चिन्नास्वामी रंगशालाको मुख्य गेट अझै खुल्न बाँकी थियो, तर मानिसहरूको ठूलो भीडले सानो गेटलाई धक्का दिँदै भित्र पस्न खोज्दा भागदौड मच्चियो,’ प्रहरी अधिकारीलाई उद्धृत गर्दै समाचार माध्यमले बताएको छ ।
विजय उत्सव मनाउन करिब दुई लाखभन्दा बढी समर्थक पुगेको जनाएको छ । प्रधानमन्त्री नरेन्द्र मोदीले पनि घटनाप्रति दुःख व्यक्त गरेका छन् । उनले मृतकप्रति श्रदाञ्जली अर्पण गरेका छन् ।
प्रहरीले अहिले स्थिति सामान्य रहेको छ । भीड व्यवस्थापनमा चुक भएको भन्दै घटनाको आलोचना भइरहेको छ ।
