जनकपुर, २५ चैत । धनुषाको विदेह नगरपालिकाको सभा हलमा आर्थिक वर्ष २०८१÷२०८२ को ९ औं नगर सभा (हिउँदो अधिवेशन) सम्पन्न भएको छ ।
यस वर्षको नगर सभाले “कृषि, स्वास्थ्य, शिक्षा, पर्यटन र व्यापारको अभिभारा — आत्मनिर्भर, सुन्दर र समृद्ध विदेहको मूल नारा“ अघि सार्दै विविध कार्यक्रमहरूको आयोजना गरेको छ ।
नगर प्रमुख बेचन दासको नेतृत्वमा आयोजित सो कार्यक्रममा स्थानीय विकासका विभिन्न पहलहरूको प्रस्तुति गरियो । नगरपालिकाले आफ्नो नीतिहरू र योजना बारेमा बिस्तृत जानकारी प्रस्तुत गर्दै आगामी वर्षका लागि प्राथमिकताका क्षेत्रमा विशेष ध्यान दिने योजना राखेको छ ।
यस नगर सभामा कृषिको संवर्धन, स्वास्थ्य सेवाको पहुँच र सुधार, शिक्षा क्षेत्रमा नवाचार, पर्यटनको प्रवर्धन र व्यापारिक गतिविधिहरूको प्रवर्धनलाई विशेष महत्त्व दिइने कुरा समेटिएको छ ।
कार्यक्रमका क्रममा नगर प्रमुख बेचन दासले नागरिकहरूको जीवनस्तर उकास्न र समृद्धि हासिल गर्न तीव्र प्रयास गर्ने प्रतिबद्धता व्यक्त गरे ।
