काठमाडौं, १२ चैत । भक्तपुरको मध्यपुर थिमि नगरपालिका–९ बोडे निलबाराहीस्थित पिकनिक स्थलनजिक पार्किङ स्थलमा ओमप्रकाश राईको हत्या आरोपी पक्राउ गरेका छन् ।
पक्राउ पर्नेमा रोल्पाको परिवर्तन गाउँपालिका–६ घर भएका ५७ वर्षीय हिमाल बुढामगर छ । जिल्ला प्रहरी परिसर भक्तपुरले उनलाई पक्राउ गरेको हो । भक्तपुरका डीएसपी तथा प्रवक्ता ढुण्डिराज नेउपानले पनि हत्या आरोपमा एक जनालाई पक्राउ गरिएको बताएको छ । ‘एक जनालाई पक्राउ गरेका छौं ।
पक्राउ परेकालाई मंगलवार सार्वजनिक गर्ने तयारी गरेका छन् । १०० रुपैयाँको विवादमा ओमप्रकाशको हत्या गरेको हिमालले बताएको एक अनुसन्धान अधिकृतले बताएको छ । ‘१०० रुपैयाँ ओमप्रकाशले खोसेर लगेको र त्यही विवादमा ढुंगाले हानेर हत्या गरेको हो ।
आइतबार बिहान ५ः५५ बजेतिर निलबाराहीस्थित पिकनिक स्थलनजिक पार्किङ स्थलमा उनी मृत भेटिएका थिए । प्रहरी घटनास्थल पुग्दा रगतले लतपतिएको अवस्थामा भुइँमा एक पुरुषको शव थियो । दाहिने कानको लोती चुडिएको, टाउकोमा ठूलो चोट र सँगै रगत लतपतिएको ढुंगा फेला परेको थियो ।
