जनकपुर, २० फागुन । मिथिलाको कला र संस्कृतिलाई विकास गर्ने उद्देश्यले जनकपुरमा मंगलवारदेखि मधेश प्रदेश प्रादेशिक ललितकला प्रदर्शनी २०८१ सुरु भएको छ ।
मैथिली विकास कोष र नेपाल ललितकला प्रज्ञा प्रतिष्ठानको संयुक्त आयोजनमा सुरु गरिएको छ । प्रदर्शनी फागुन २४ गतेसम्म रहने मैथिली विकास कोषका अध्यक्ष जिवनाथ चौधरीले जानकारी दिनुभएके छ ।
मैथिली विकास कोषको आफनै सभा हलमा आयोजित कार्यक्रममा मधेश प्रदेशका भौतिक पूर्वाधार विकास मन्त्री सरोज कुमार यादवले उद्घाटन गरेको थियो ।
प्रदर्शनीले मैथिली चित्रकला, मूर्तिकला र आधुनिक ललितकला क्षेत्रमा नयाँ सम्भावनाहरू खोज्नका साथै नयाँ पुस्तालाई कला क्षेत्रमा आकर्षित गर्नका लागि यो प्रदर्शनी गराएको अध्यक्ष चौधरीले बताए ।
