महोत्तरी, १८ फागुन । मिथिलाको महाकुम्भ मानिने ऐतिहासिक १५ दिने माध्यमिकी परिक्रमा आइतबार महोत्तरीको मटिहानी पुगेको छ ।
बिहीबार बिहान धनुषाको मिथिला बिहारी नगरपालिका वडा नम्बर ८ कचुरि स्थित मिथिला बिहारी मन्दिरबाट सुरु भएको परिक्रमा राति हनुमाननगरमा बिश्राम गरेका थिए ।
शुक्रबार भारतको कल्याणेश्वर शनिबार गिरिजास्थान हुँदै आज आइतबार मटिहानी आइपुगेको छ । मटिहानी नगरपालिकाका मेयर हरिप्रसाद मण्डल साथै मटिहानीवासीले मिथिला बिहारी र किशोरीजीको डोलासँगै सम्पूर्ण परिक्रमा यात्रीलाई स्वागत गरेका छन् ।
मटिहानी पछि जलेश्वर, मडै, ध्रुवकुण्ड, कञ्चनवन तथा धनुषाको पर्वता, धनुषाधाम, सतोषर, औरही र पुनः भारतको विसौल तथा पुनः कलानेश्वर हुँदै जनकपुर आइपुग्ने छ ।
फागुन शुक्ल औंसी तिथीको दिन कचुरीबाट शुरु भएको परिक्रमा फागुन पुणिर्माका दिन जनकपुर नगरको परिक्रमा अर्थात अन्तगृह परिक्रमा पुरा गर्दै रंग अविर र होली खेल्दै घर र्फकने गर्छन् ।
परिक्रमाको धार्मिक लस्करमा नेपाल भारत सहितका लाखौँ श्रद्धालुको सहभागिता रहेकोले यसलाई मिथिलाको महाकुम्भ मानिन्छ ।
