काठमाडौं, ३ पुस । बलिउड अभिनेता आमिर खानले हालै आफ्नो ड्रिम प्रोजेक्ट ‘महाभारत’को बारेमा कुरा गरेका छन् ।
आफू यो प्रोजेक्टमा काम गर्न डराइरहेको पनि उनले बताएका छन् । बीबीसीसँग कुराकानीमा आमिर खानले महाभारतको चर्चा गरेका हा । ‘यो मेरो ड्रीम प्रोजेक्ट हो र मेरो लागि कुनै चुनौतीभन्दा कम छैन । मलाई डर छ बनाउँदा खेरि मबाट कुनै गल्ती हुन्छ कि ।
यो ठुलो जिम्मेवारी हो, किनभने महाभारत हाम्रो निकै करिब छ । यो हाम्रो रगतमै छ, त्यसैले म यसलाई बिलकुल सही तरिकाले बनाउन चाहन्छु ।’ आफूले हरेक भारतीयलाई गर्वको अनुभूति गराउन चाहेको अनि दुनियालाई भारतसँग के छ भनेर देखाउन चाहेको पनि उनले बताए छन् ।
‘मलाई थाहा छैन, यो कहिले बन्न सक्ला ।’ उनले भनेका छन् । आमिर खानको प्रडक्शनमा बनेको ‘लापता लेडिज’ ओस्कारमा गएको थियो । तर फिल्म अन्तिम १५ को छोटो सूचिमा भने परेन । यो फिल्मले ओस्कार जिते पुरै देशमा आँधी आउने र मानिसहरू पागल नै हुन्छन् भनेर आमिरले भनेका थिए । आमिर खान अहिले आगामी फिल्म ‘सितारा जमीं पर’मा काम गरिरहेका छन् । यो फिल्म सन् २००७ मा आएको फिल्म ‘तारे जमीं पर’को सिक्वेल हो ।
यसअघि यो फिल्म २०२४ को डिसेम्बरमा रिलिज हुने भनिएको थियो । तर अब भने फिल्म अर्काे वर्ष मात्रै रिलिज हुने भएको हो ।
