एजेन्सी, शुक्रबार राति पश्चिमी जर्मनीको जोलिङ्गेन सहरमा एक व्यक्तिले केही व्यक्तिमाथि चक्कु प्रहार गरेका छन् ।
यस हमलामा तीन जनाको मृत्यु भएको र अन्य चार जना गम्भीर घाइते भएको प्रहरीले जनाएको छ ।
सहरको मध्यभागमा रहेको फ्राउनहफ बजारमा एक उत्सवका क्रममा आक्रमण भएको बीबीसीले जनाएको छ । आक्रमणकारी अझै फरार रहेको बताइएको छ ।
प्रहरीले सहरभर खोजी गरिरहेको छ । जोलिङ्गेन जर्मनीको औद्योगिक सहर हो र शुक्रबार यस सहरको ६५०औँ स्थापना दिवसको अवसरमा समारोह आयोजना गरिएको थियो ।
