जनकपुर, २ असार । मधेश प्रदेशका नवनियुक्त मुख्य न्यायाधिवक्ता सुरेन्द्र कुमार महतालेले पद तथा गोपनीयताको शपथ लिनुभएको छ ।
आईतबार आयोजित एक समारोहका बिच मधेश प्रदेशका प्रदेश प्रमुख सुमित्रा सुवेदी भण्डारीको उपस्थितीमा उच्च अदालत जनकपुरका मुख्य न्यायाधीश श्रीकान्त पौडेलबाट महतोले पद तथा गोपनीयताको शपथ लिएका छन ।
शपथ लगत्तै महतोले पदबहाली गर्नुभएको छ । मधेश प्रदेशका मुख्यमन्त्री सतिश कुमार सिंहको सिफारिसमा सबैला नगरपालिका ६ निवासी महतोलाई प्रदेश प्रमुख भण्डारीले नेपालको संविधानको धारा १६० को उपधारा (२) बमोजिम गत बुधबार मुख्य न्यायाधिवक्तामा नियुक्त गर्नुभएको छ ।
प्रदेशमा जसपा नेतृत्वको सरकार हटेपछि यसअघिका मुख्य न्यायक्तिवक्ता वीरेन्द्र ठाकुरले आफ्नो पदबाट राजिनामा दिनुभएको थियो । त्यसपछि रिक्त सो पदमा महतोलाई नियुक्त गरिएको छ ।
मुख्य न्यायधिवक्ताले प्रदेश सरकारको कानूनी सल्लाहकारको रुपमा काम गर्ने गर्छन् ।
