रुपन्देही, ३१ जेष्ठ । रुपन्देहीको बुटवलमा कार सडकबाट खस्दा तीन जनाको मृत्यु भएको छ ।
जिल्ला प्रहरी कार्यालय बुटवलका डीएसपी विजयराज पण्डितका अनुसार गएराति साढे आठ बजे बुटवल–१३ नुवाकोटगढी भ्युटावर नजिकै कार दुर्घटनामा परेको थियो ।
दुर्घटनामा स्याङ्जाको पुलतीबजार घर भइ बुटवल– १० बस्ने कार चालक करिब ४६ वर्षीय रामप्रसाद शर्मा, रुपन्देहीको तिलोत्तमा नगरपालिका– ३ बस्ने ५७ वर्षीय आशका श्रेष्ठ, तिलोत्तमा– ३ कै ५० वर्षकी भगवती श्रेष्ठको मृत्यु भएको छ ।
दुर्घटनामा बुटवल– ९ मिलनचोक घर भएका ५६ वर्षीया चन्दा श्रेष्ठ र बुटवल– ११ कि ४६ वर्षीया लक्ष्मीता श्रेष्ठ घाइते भएका छन् । घाइतेद्वयको लुम्बिनी प्रादेशिक अस्पतालमा उपचार भइरहेको उनले जानकारी दिए ।
उनीहरु खतरामुक्त छन् । भ्युटावर क्षेत्र घुमेर बुटवल फर्कँदै गरेको लु २ च ८५३१ नम्बरको कार ओरालो सडकबाट भिरहुँदै करिब एकसय मिटर तल खसेर दुर्घटनामा परेको प्रहरीले जनाएको छ ।
