जनकपुर, २९ जेष्ठ । मधेश सरकारको आगामी आर्थिक वर्ष २०८१÷०८२ को नीति तथा कार्यक्रम जसपा नेपालले बहिष्कार गरेको छ ।
प्रदेशसभाको मंगलवार बसेको बैठकमा प्रदेश प्रमुख सुमित्रा भण्डारीले आगामी आर्थिक वर्षको नीति तथा कार्यक्रम प्रस्तुत गरिरहेकी थिईन तर प्रदेशसभामा जसपा नेपालका सांसदहरु अनुपस्थित रहेका थिए ।
जसपा नेपाल संसदीय दलका नेता सरोजकुमार यादवका अनुसार जनकपुरमा जसपा नेपालको एकताको महाधिवेशन जारी छ ।
महाधिवेशनका कारण नीति तथा कार्यक्रम सार्न मुख्यमन्त्रीसँग आग्रह गरेको थियो, तर नमानेपछि आफूहरु नगएको बताए ।
