बारा, २६ जेठ । बारामा करिब ८० किलो गाँजासहित २ जना पक्राउ परेका छन् ।
पक्राउ पर्नेमा चितवन राप्ती नगरपालिका १ रिकाटारका २५ वर्षीय मानबहादुर वाइबा र मकवानपुर राक्सिराङ गाउँपालिका ५ का २६ वर्षीय सुमन स्याङ्तान रहेको छ ।
उनीहरूलाई प्रहरीले शनिबार दिउँसो जीतपुरसिमरा उपमहानगरपालिका २१ स्थित सडकबाट पक्राउ गरिएको हो । उनी दुबैजनाको साथबाट करिब ८० किलोग्राम लागुऔषध गाँजा बरामद भएको प्रहरीले जनाएको छ ।
इलाका प्रहरी कार्यालय अमलेखगन्जबाट खटिएको प्रहरीले मनहरीबाट पथलैयातर्फ जाँदै गरेको बा १० च ३६१९ नम्बरको कारमा गाँजा बरामद भएको प्रहरीले जनाएको छ ।
