काठमाडौं, २४ जेष्ठ । मन्त्रिपरिषद्ले प्रधानमन्त्री पुष्पकमल दाहाल प्रचण्डको भारत भ्रमण स्वीकृत गरेको छ ।
बिहीबार दिउँसो प्रधानमन्त्री तथा मन्त्रिपरिषद्को कार्यालयमा बसेको बैठकले प्रधानमन्त्री प्रचण्डको आगामी शनिबारदेखि दुई दिन हुने भ्रमण स्वीकृत गरेको सूचना तथा सञ्चार प्रविधिमन्त्री रेखा शर्माले जानकारी दिइन् ।
प्रचण्ड भारतीय जनता पार्टी (भाजपा) का नेता नरेन्द्र मोदीको प्रधानमन्त्रीको रुपमा तेस्रो कार्यकालको शपथ ग्रहण समारोहका लागि भारत जान लागेका हुन् ।
