जनकपुर, १४ जेष्ठ । मिथिला बिहारी नगरपालिकामा चार दिने नमुना युवा संसद कार्यक्रम अन्र्तगत नमुना युवा नगर सभाको प्रथम अधिवेशनको सोमवार समापन भएको छ ।
राष्ट्रिय युवा परिषद काठमाण्डौंको सहयोग तथा मिथिला बिहारी नगरपालिका शिक्षा शाखाद्वारा संचालित नमुना युवा संसद कार्यक्रममा स्थानीय सरकारले कसरी सदन चलाउने बारे सिकेका सहभागीहरुले नमुना अभ्यासद्वारा नै समापन कार्यक्रममा प्रयोग गरेर देखाएका थिए । 
सो नमुना संदनमा एक जना नगर प्रमुख, नगर उपप्रमुख र सचिवको अभिनय गरि नगरपालिकाको निति तथा कार्यक्रम, बजेट भाषण र नमुना युवा संसदको बिनियम पारित गरेका थिए ।
निति तथा कार्यक्रममा मिथिला बिहारी मन्दिरको बिकास गरि पर्यटन स्थल, कृषि क्षेत्र, बाटो, सडक, नदी नाला लगायतका विकासीय कार्यहरु समावेश गरेका थिए ।
मिथिला बिहारी नगरपालिका शिक्षा शाखाका प्रमुख रिमा झाको अध्यक्षतामा सम्पन्न कार्यक्रमका प्रमुख अतिथि नगर प्रमुख राजेन्द्र प्रसाद यादबले सहभागीको नमुना संसदको अभ्यास देखेर “म नभए नगर चल्दैन, म नभए देशै चल्दैन” भने नाकारात्मक सोचाई नमुना संसद अभ्यासमा देखाएका युवाहरुले अगामी दिनमा नगर मात्र नभएर देशै चलाउन सक्ने बताए ।
उनले नमुना नगर जस्तो नगरपालिकाको नगरसभामा भिन्नता रहेको छ । हाम्रो नगरको बजेट बाडफाँट गर्दा मेरो वडामा यति अर्को वडा बढी, मेरो घर अगाडी सडक बनेन्, यावत समस्याहरु रहेको छ । नगरपालिकामा बजेटको अभावका कारण पनि धेरै काम गर्न सक्ने अवस्था छैन ।
पालिकाका प्रमुख प्रसाशकिय अधिकृत नागेन्द्र प्रसाद यादबले अहिलेको युवाहरुले दिगो बिकास हेर्नको लागी कुलतमा नलाग्न युवाहरुलाई आग्रह गरेका छन् ।
लहैलहैमा लागेर लागुऔषध सेवन गरि आफनो जिवन नै अन्धकारमा पार्नु भन्दा कुलतलाई धार्मिक कार्यमा परिवर्तन हुन सके मनमा पनि शान्ति मिल्ने बताए ।
समापन कार्यक्रममा नगरपालिकाका उपनगर प्रमुख सोभा देबी साह बिभिन्न वडाका वडाध्यक्षहरुको सहभागिता रहेको थियो ।
