जनकपुरधाम, २९ वैशाख । जनता समाजवादी पार्टी (जसपा) नेपालका अध्यक्ष उपेन्द्र यादवले पार्टी विभाजन गर्नेहरुलाई कुकुरको संज्ञा दिएका छन् ।
शनिवार जनकपुरधाम आएका उपप्रधान एवं स्वास्थ्य मन्त्री समेत यादवले विमानस्थलमा सञ्चारकर्मीहरु संग कुरा गर्दै भने, ‘कुकुरले टोक्यो भने हामीले कुकुरलाई टोक्न जाने होइन् ।
उनले लोभी पापीहरु पार्टीबाट बाहिरिदैँमा पहिचान र राष्ट्रिय मुक्ति आन्दोलनमा असर नपर्ने बताए । यादबले भने, दुई–चार वटा लोभी पापीहरु यताउता गर्दैमा मुक्ति आन्दोलन र जनताको मुक्ति चाहनामा फरक पर्नेबाला छैन् ।
फुट्नेहरु आफैँ फुटेको होइन्,’ अरुले फुटाइदिएको हो । अलिकति लोभलालच देखाएर ।’ पञ्चातयकालको निरंकुशताविरुद्ध लडिरहेका बेला तत्कालीन शासनसत्ताले केही लोभीपापीलाई काँग्रेस र कम्युनिस्टबाट ल्याई पञ्चायतमा बसाउँदै वक्तव्यबाजी गर्ने गरेको स्मरण गर्दै अध्यक्ष यादवले भने, ‘त्यो व्यवस्था पनि पतन भयो । त्यो व्यवस्था टिकाउन खोज्नेको पनि पतन भयो ।
