काठमाडौं, २७ वैशाख । दुर्गा प्रसाईँ नेतृत्वको ‘राष्ट्र राष्ट्रियता धर्म संस्कृति र नागरिक बचाउ अभियान’ अन्तर्गत बिर्तामोडमा आयोजित ¥यालीमा समर्थकले बिर्तामोडको दुई बैंकमा तोडफोड गरेका छन् ।
त्यस क्रममा ४ जनालाई नियन्त्रणमा लिइएको छ । आज उक्त अभियानको युवा संगठन ‘नागरिक युवा दस्ता’ ले ¥याली निकालेको थियो ।
प्रहरीका अनुसार बिर्तामोड–५ को सिटी सेन्टरअगाडिबाट सुरू ¥याली मुक्तिचोकतर्फ जाँदै गर्दा सोही समूहका १२÷१५ जनाले ज्योती विकास बैंक र एभरेष्ट बैंकको शाखा कार्यालय तोडफोड गरेका छन ।
बैंकको सिसाहरू फुटाउँदै गरेको अवस्थामा उनीहरूलाई नियन्त्रणमा लिइएको प्रहरीले जनाएको छ । नियन्त्रणमा लिइएकामा बिर्तामोड नगरपालिका ३ का मनकुमार तामाङ, वडा नम्बर ५ का ‘बुलेट’ भन्ने अन्जेश राई, बुद्वशान्ती गाउँपालिका ४ का दीपेश राई र बिर्तामोड ४ का पवन दुलाल छन् ।
