जनकपुरधाम, ८ मसिंर । शिक्षाको रक्षाका लागि गठन गरिएको प्राज्ञिक विद्यार्थी परिषद नेपालको केन्द्रिय कार्यसमितिको बैठक जनकपुरधाममा सम्पन्न भएको हो ।
परिषदले आफनो बैठक र त्यसले गरेका निर्णयहरुबारे विहिवार जनकपुरधाममा पत्रकार सम्मेलनको आयोजना गरेर जानकारी गराएको थियो ।
अगामी पुष १ देखि ११ गते सम्म परिषदले वृहत सदस्यता अभियान चलाउने देखि मानविय सेवाका कार्यक्रमहरु सञ्चालन गर्ने सम्मको कुल आठ बुँदे निर्णयहरु सार्वजानिक गरेको परिषदका राष्ट्रिय महासचिव विष्णु प्रसाद पंगेनीले बताए ।
परिषदका राष्ट्रिय अध्यक्ष गोपीनाथ कँडेलले आफुहरु कुनै पार्टीको विद्यार्थी संगठन नभई स्वतन्त्र रहेको र संस्कृती, परम्परागत नैतिक र संस्कृत शिक्षा सहितको रक्षाका लागि काम गर्ने बताए
