केपी रिपोर्टर, निभा झा
जनकपुरधाम, ६ भदौ । मिथिलाञ्चलमा आज भक्ती एवं श्रद्वापूर्वक घडी पाबनी मनाइदै छ ।
प्रत्येक बर्ष साउन शुक्ल पक्ष नागपञ्चमी पछिको वैरागन बुधबारको दिन मनाईने घडी पबनी यो बर्ष हिन्दुधर्मावलम्बिहरु आआफ्नो कूल देवताको पुजा अराधना गरि मनाइ रहेका छन ।
नागपञ्चमी पछि परेको आजको पहिलो वैरागन बुधबार अधिकांश श्रद्धालुहरु आजै घडी पबनी मनाइ रहेका छन । यो पबनी गर्ने पबनैतिनहरु आज बिहानै पोखरीमा नुहाइ धुवाइ गरि आफ्नो कुल देवतालाई चढाउने खिर,पिरि बेसनको लड्डु ,चिनिको लड्डु बनाउनमा लागि सकेका छन जुन परिकारहरु बेलुकी कुलदेवीलाई पातरको रुपमा चढाइनेछ ।
घडी पबनिमा कुलदेवतालाई चढाएको प्रसाद आफ्ना कुल बाहेक का ब्यक्तिले खान बर्जित गरिएकोले आफ्नो कुलकोले खान नसकेको प्रसाद खाल्डो खनी माटोमा बिसर्जन गर्ने परंपरा छ ।
हिन्दुधर्मावलम्बिहरु बर्षमा दुई पटक अर्थक्त माघ र साउनमा यो पबनी मनाउने गर्दछन । सुख,शान्ती,समृद्धी को प्राप्ती संगै दुःख क्लेशबाट मुक्तिको लागि कामना सहित मनाइने यो घढी पबनी मनाइने कुलदेवीलाई अरु कुनै प्रकारको प्रसाद अन्य बेला वा अरु दिन चढाइने प्रचलन छैन ।
