जनकपुरधाम, ३० जेठ । जनकपुरधामको मिल्स एरियास्थित एक युवकले आफ्नै शरिरमा पेट्रोल छर्केर आत्मदाहको प्रयास गरेका छन् ।
रजौल घर भएका ३० वर्षीय रितेश दासले आत्मदाहको प्रयास गरेका हुन् ।
मिल्स एरियामा आइएमई मनी ट्रान्सफर सञ्चालन गरेका उमेश साहसँग रितेशले ३० लाख ऋण लिएका थिए ।
ऋण लिन उनले जनकपुरधामकै ४ कट्ठा ८ धुर जग्गा उमेशको श्रीमती संगिता देवी साहको नाममा रजिस्ट्रेशन पास गरेका थिए ।
तर ऋण लिएको ६ महिना नबित्दै उमेशले सो जग्गा बिक्री गरेपछि रितेश आत्मदाहको प्रयास गरेको बुझिएको छ ।
