काठमाडौं,२७ जेठ । विधान अधिवेशनमाथि छलफल गर्न जनता समाजवादी पाटी (जसपा) नेपालको केन्द्रीय कार्यकारिणी समितिको बैठक आज बस्नलागेको छ ।
पार्टी कार्यालय बालकुमारीमा दिउँसो १ बजे बस्ने बैठक बस्ने पार्टीका संचार विभाग प्रमुख पूर्णबहादुर बस्नेतले जानकारी दिनुभएको छ । बैठकमा विधान अधिवेशनको तयारी, विभिन्न समिति र संगठनले गरेको प्रतिनिधि चयन, समसामयिक राजनीतिलगायतका विषयमा छलफल हुनेछ ।
जसपाले आगामी असार १०, ११ र १२ गतेका लागि काठमाडौंमा प्रथम विधान अधिवेशन आह्वान गरेको छ । यसअघिको केन्द्रीय समिति बैठकले उक्त विधान अधिवेशनमा पार्टी सम्बद्ध देशैभरिबाट सहभागी हुने सात सय ७८ जना प्रतिनिधिको चयन गरिसकेको छ ।
