जनकपुरधाम,२५ जेठ । धेरै महिनादेखि पानी नपरेका कारणले मधेश प्रदेशका विभिन्न जिल्लाहरूमा चापाकल सुकेपछि सर्वसाधारण समस्यामा परेका छन् ।
क्षीरेश्वरनाथ नगरपालिकाका क्षेत्रमा भएका अधिकांस चापाकलहरु सुकेपछि सर्वसाधारणलाई खाने पानीको समस्या उत्पन्न भएर अन्य रोगको खतरा पनि उत्पन्न भएको छ ।
साथै मधेश प्रदेशका पूर्व पश्चिम लोक राजमार्ग क्षेत्रमा भएका इनारहरूमा पानी आउन बन्द भएपछि समस्या उत्पन्न भएको छ । खानेपानीको समस्याबाट धनुषा, महोत्तरी, सिरहा, सप्तरी, बारा, पर्सा तथा रौतहट जिल्लाको उत्तरी भेगमा समस्या उत्पन्न भएको छ ।
धनुषाको महेन्द्रनगरमा ४०० फिटमा जडान भएको चापाकलमा पनि पानी आउन बन्द भएपछि सर्वसाधारणहरू थप समस्यामा परेका छन् । यता जनकपुरधामको गंगासागरमा रहेको बोरिङ पनि सुकेको छ ।
चार दिन देखि सो बोरिङमा पानी आउन बन्द भएपछि यस क्षेत्रमा रहेका पसलेहरुले शीतल पानी सेवन गर्नबाट वञ्चित भएको मधेश प्रदेश मिडिया काउन्सिलका कार्यवाहक अध्यक्ष कैलाश दासले जानकारी दिनु भएको छ ।
