विराटनगर,१४ जेठ । कोशी प्रदेशको प्रदेश सभा सचिवालय अगाडि प्रदर्शन गर्न खोज्ने ३० जना प्रदर्शनकारीलाई प्रहरीले पक्राउ गरेको छ ।
कोशी प्रदेशको नाम पहिचानका आधारमा पुनः संसोधन गर्न माग गर्दै आन्दोलनका लागि प्रदेश सभा भवन अगाडि पुगेका ३० जनालाई प्रहरीले पक्राउ गरेको छ ।
प्रदेश सभा सचिवालय नजिकै देवकोटा चोक र अस्पताल चोकमा आन्दोलनकारीहरुलाई पक्राउ गरिएको मोरङ प्रहरीका प्रवक्ता डीएसपी रन्जनकुमार दाहालले जानकारी दिनुभएको छ ।
पक्राउ परेकाको साथबाट गुलेली र ढुंगा बरामद भएको प्रहरीले जनाएको छ । विराटनगर आउने सवारी साधनको चेकजाँचमा पनि प्रहरीले कडाइ गरेको छ ।
प्रहरी प्रवक्ता दाहालले सुरक्षा सतर्कता उच्च बनाइएको बताएका छन । कोशी प्रदेश सभाको दोस्रो एवम् बजेट अधिवेशन दिउँसो २ बजेका लागि आह्वान गरिएको छ ।
