जनकपुरधाम,१४ जेठ । राष्ट्रिय दलित पत्रकार संघका मधेश प्रदेश अध्यक्ष कैलाश दासले दलित समुदायका लागि छुट्टै निर्वाचन क्षेत्र आरक्षित हुनुपर्ने माग राखेका छन ।
राष्ट्रिय तत्मा समाज नेपालको ५ औं जिल्ला अधिवेशनलाई शनिबार धनुषाको बिदेह नगरपालिका ६ तिनकौरियामा सम्बोधन गर्दै अध्यक्ष दासले वर्तमान राजनीतिक व्यवस्थामा दलित समुदायले निर्वाचन जित्न सक्ने अवस्था नरहेकाले छुट्टै निर्वाचन क्षेत्र आरक्षित हुनुपर्ने बताएका छन । 
राजनीति र सरकारी निकायमा प्रतिनिधित्व हुँदा मात्र दलित समुदायले न्यायका लागि लड्न सक्ने भएकाले राजनीतिमा दलितको प्रतिनिधित्वका लागि निर्वाचन क्षेत्र नै आरक्षित गर्नुपर्ने दासको भनाइ थियो । मधेश प्रदेशमा दलित बिकास समितिले दलित समुदायको उत्थान र विकासका प्रगतिशील कार्य अघि बढाएको बताए । 
