जनकपुरधाम, ८ जेठ । करारका कर्मचारी एवम् ज्येष्ठ नागरिकहरुले सोमबार धनुषाका क्षीरेश्वरनाथ नगरपालिकामा ताला लगाएका हुन् ।
२०७४ पछि नियुक्त भएका करारका कर्मचारीको म्याद थप नगर्ने निर्णय गरेपछि नगरपालिकामा करारका कर्मचारीहरुले र सामाजिक सुरक्षा भत्ता नपाएका ज्येष्ठ नागरिकहरुले कार्यालयमा ताला हानेको छ ।
राजनीतिक पूर्वाग्राही रुपमा आफूहरुमाथि विभेद भएको करारका कर्मचारी जमिल अख्तरले बताउनुभएको छ । कार्यपालिकाले करारका कर्मचारीलाई करार अवधि नथपेपछि आफूहरुले तालाबन्दी गरेको जमिलले बताए । 
उनले नगर प्रमुख सुखदेव यादव र प्रमुख प्रशासकिय अधिकृत सिवेन्द्र मण्डल मिलेर कर्मचारीलाई विनाकारण हटाइएकोप्रति ध्यानाकर्षण गराउँदै माग पूरा नभएसम्म तालाबन्दी यथावत् राख्ने बताएका छन ।
त्यस पालिकामा कार्यरत करारका कर्मचारीले विगत ११ महिनादेखि तलबबाट समेत बञ्चित रहेको छ ।
