काठमाडौँ, ७ जेठ । स्थानीय तहमा निर्वाचित जनप्रतिनिधिको बारेमा जनमत पार्टीले जनमत संग्रह गराउने भएका छन ।
पार्टीले २०७९ वैशाख ३० गते सम्पन्न भएको स्थानीय निर्वाचनबाट चुनिएका पालिका अध्यक्ष, उपाध्यक्ष, वडा अध्यक्षहरूले हालसम्म गरेको कामको बारेमा पार्टीले जनमत संग्रह गर्ने भएको छ ।
पार्टीले आफ्ना जनप्रतिनिधिलाई पठाएको सर्कुलरमा भनिएको छ, ‘तपाईं जनप्रतिनिधिको रूपमा निर्वाचित भएको करिब एक वर्ष पुगेको छ ।
यस अवधिमा तपाईंहरुको कार्यलाई जनताले अनुमोदन गरेको छ वा छैन जनमतसंग्रह गराउनका लागि तपसिलको मितिमा कार्यक्रम हुने ब्यहोरा अवगत गराइन्छ ।
साउन ६ गते हुने जनमतसंग्रह सम्बन्धित स्थानीय तहमा हुने पार्टीले जनाइएको छ ।
