काठमाडौं,३१ बैशाख । नक्कली शरणार्थी प्रकरणमा पक्राउ परेका पूर्वगृहमन्त्री बालकृष्ण खाणलाई ४ दिनको म्याद थप गरिएको छ ।
प्रकरणमा मुछिएका खाण गत वैशाख २७ गते पक्राउ परेका थिए । अदालतले उनीसहित यस प्रकरणमा पक्राउ परेका १२ जनालाई थप ४ दिन थुनामा राखेर अनुसन्धान गर्न अनुमति दिएको छ ।
नेपालीलाई नक्कली भुटानी शरणार्थी बनाएर अमेरिका पठाउने कार्यमा संलग्न रहेको आरोपमा पक्राउ परेका उनलाई म्याद थपका लागि आइतबार प्रहरीले जिल्ला अदालत काठमाडौंमा उपस्थित गराएको छ ।
उनलाई बुधबार प्रहरीले राजधानीको मैजुबहालस्थित उनकै निवासबाटै पक्राउ गरेको थियो । यो प्रकरणमा अहिलेसम्म १२ जना पक्राउ परिसकेका छन् ।
यसै प्रकारणमा पक्राउ परेका अन्य व्यक्तिहरूको बयानका आधारमा खाण पक्राउ परेका थिए ।
