जनकपुरधाम, १९ बैशाख । जनकपुरधामबाट फरार भएका जलेश्वर कारागारका कैदी पक्राउ परेको छ ।
पक्राउ पर्नेमा महोत्तरीको लोहारपट्टी नगरपालिका ९ का २१ वर्षीय कृष्णा यादव रहेको छ । उनलाई गत चैत २४ गते जनकपुर उपचारका लागि ल्याएका बेला डा. मनोज गुप्ताको क्लिनिकको शौचालयको भेन्टिलेशन फोडर फरार भएका थिए ।
उनलाई खोज तलास गर्ने क्रममा सोमबार राति १० बजे जलेश्वर नगरपालिका ३ स्थित मलिबारामा बाटोमा हिडदै गरेको अबस्थामा पक्राउ गरेको महोत्तरी जिल्ला प्रहरी कार्यालयका प्रहरी प्रवक्ता दिलीपकुमा गिरीले जानकारी दिनुभएको छ ।
पक्राउ परेका यादवमाथि कैदी बन्दी भगाएको कसुरमा कारागार ऐन २०७९ बमोजिम म्याद थप गरि थप अनुसन्धान भईरहेको प्रहरी जनाएको छ ।
