काठमाडौं,८ वैशाख । कतारमा पुलिसको जागिरका लागि कतार पठाइदिन्छु भन्दै रकम ठगेको आरोपमा प्रहरीले एकजनालाई पक्राउ गरेको हो ।
सप्तरीको कञ्चनरुप नगरपालिका–४ घर भई हाल काठमाडौंको टोखा बस्ने ४१ वर्षीय पूर्णकुमार दाहाल पक्राउ परेको छ । उनलाई काठमाडौं उपत्यका अपराध अनुसन्धानको टोलीले झापाको भद्रपुरबाट पक्राउ गरेको छ ।
पक्राउ परेका उनीमाथि थप अनुसन्धान तथा कारबाहीका लागि वैदेशिक रोजगार विभाग बुद्धनगर पठाइएको प्रहरीले जनाएको छ । उनले टोखा बस्ने चन्द्रबहादुर खत्रीसमेत गरी १८ जनालाई कतारमा वैदेशिक रोजगारीका लागि पठाइदिन्छु भन्दै प्रतिव्यक्ति रु ७ लाखको दरले ६३ लाख रुपैयाँ लिई सम्पर्कविहीन भएको प्रहरीले जनाएको छ ।
