काठमाडौं,१३ चैत्र । मधेशको महोत्तरीबाट १२ दिन हिँडेर आन्दोलनका लागि काठमाडौं आएका मिटरब्याजपीडित भेट्न जनमत पार्टीका अध्यक्ष डा. सीके राउत पुगेका छन् ।
चन्द्रनिगाहपुर, हेटौंडा, भीमफेदी र चन्द्रागिरी हुँदै पीडितहरू आइतबार काठमाडौंको सोमवार आइपुगेका थिए । पीडितलाई भेटेर अध्यक्ष राउतले पहिला सरकारी पहलपछि केही साम्य भएपनि आन्दोलन रोकिएपछि सरकारले काम गर्न छाडेको बताउनुभयो ।
उनले भने, ‘सम्झौता भइसकेपछि पटक पटक किन आन्दोलन गर्नुपर्ने अवस्था आयो । हाम्रो त्यहीमा पनि असन्तुष्टि छ । सरकारले इमान्दारिता नदेखाएको भए अहिले दुख पाउनुभएको छ ।
यो विषयमा हामीले संसदमा आवाज उठाएको छौं । प्रधानमन्त्रीसँग आन्तरिक बैठकमा कुरा उठाएका छौं ।’ उनले दिगो रूपमा चाँडै समस्याको समाधान गर्न पहल गर्ने बताएका छन ।
अदालतमा मुद्दा विचाराधीन भएको कारणले प्राविधिक कारणले टुंग्याउन नमिलेको भएपनि सरकारले बेवस्ता गरेकोप्रति राउतले असन्तुष्टि जनाए ।
