जनकपुरधाम, २७ फागुन । सर्लाहीको लालबन्दीमा हुन लागेको एकीकृत अखिल नेपाल शिक्षक संगठन मधेश प्रदेशको अधिवेशनमा सहभागी हुन आएका नेकपा माओवादी केन्द्रका उपाध्यक्ष अग्नीप्रसाद सापकोटाले संक्रमणकाल लम्बिनुका कारण सरकार र राजनीतिक दल रहेको आरोप लगाएका छन् ।
शनिबार जनकपुरधाम विमानस्थलमा प्रेस सेन्टर नेपाल मधेश प्रदेशले आयोजना गरेको पत्रकार सम्मेलनमा बोल्दै निवर्तमान सभामुख सापकोटाले यस्तो आरोप लगाएका हुन ।
सापकोटाले राजनीतिक दलहरुको दाउपेचका कारण संसदमा संक्रमणकालिन न्यायिक अवस्था टुंग्याउनका लागि पास हुनुपर्ने विल विधेयकहरु थन्क्याइएको बताए्का छन ।
तर अब भने सत्य निरुपण तथा मेलमिलपा आयोग मार्फत नै समाधान खोज्नुपर्ने बताए । उनले संघीय लोकतान्त्रिक गणतन्त्रात्मक व्यवस्था ल्याउनका लागि नेपाल आमाका छोराछोरीले दिएको बलिदानीबाट परिवर्तन आएको हुनाले परिवर्तन विरोधी गतिविधिलाई जनताले प्रतिवाद र प्रतिरोध गर्ने समेत बताए ।
त्यस्तै अर्को प्रसंगमा उपाध्यक्ष सापकोटाले भने, ‘राष्ट्रपति निर्वाचनमा जसरी गठबन्धन एक ढिक्का भए, त्यसरी नै उपराष्ट्रपति निर्वाचनमा पनि गहन छलफल गरेर एकढिक्का हुनेछन् ।
