जनकपुरधाम, २३ फागुन । जनकपुरधाममा मिथिला नाट्यकला परिषद (मिनाप)ले यसवर्ष जनकपुरधाम उपमहानगरपालिकाका मेयर मनोजकुमार साहलाई महामुर्खको उपाधि प्रदान गरिएको छ ।
होलीको अवसरमा मंगलबार जानकी मन्दिरको प्रांगणमा आयोजन गरेको महामुर्ख सम्मेलनमा मेयर साहलाई महामुर्खको उपाधि प्रदान गरिएको हो ।
मेयर साहसहित अन्य १३ जनालाई मुर्खका विभिन्न उपाधिहरु प्रदान गरिएको छ भने सञ्चारकर्मी ऋषि धमलालाई पटमुर्ख, सञ्चारकर्मी वीरेन्द्र रमणलाई सोटाचन्द, महोत्तरीको मटिहानी नगरपालिकाका नगरप्रमुख हरिप्रसाद मण्डललाई वैशाखनन्दन, तमलोपा नेतृ विभा ठाकुरलाई गन्धपसारैन, पूर्वखेलाडी अरुण लाल कर्णलाई खबसुरता, याज्ञवल्क्य संस्कृत माध्यमिक विद्यालयका प्रधानाध्यापक संजय झालाई लोढाशंकर,
व्यवसायी बलराम साहलाई बज्रसोटा, अधिवक्ता रेखा झालाई मनटुटिया, इन्जिनियर रत्नेश्वरलाल कर्णलाई डपोरशंख, कवियत्री किरण झालाई टुनमुसरी, मधेस प्रदेशको वन मन्त्रालयका कर्मचारी लालबाबु यादवलाई हराशंख र मोनाष्टिक माध्यमिक विद्यालयका निर्देशक डा. सोनुकुमार साहलाई बज्रकिट लगायतको हास्यास्पद उपाधीहरु प्रदान गरिएको थियो ।
त्यस महामुर्ख सम्मेलनमा सहभागी कविहरुले आ–आफ्नो कविताको माध्यमले विभिन्न विषयवस्तुमाथि कटाक्ष समेत गरेका थिए ।
