केपी रिपोर्टर, राम हृदय यादव
जनकपुरधाम, १६ फागुन । नेपाली काँग्रेसका सांसद विमलेन्द्र निधीले पुष्पकमल दाहाल प्रचण्ड नेतृत्वको वर्तमान सरकारलाई कुनैपनि प्रकारको खतरा नरहेको बताएका छन ।
मंगलबार जनकपुरधाममा आयोजित नेपाल प्रेस युनियन मधेश प्रदेश समितिको पदस्थापन समारोहमा पूर्व उपसभापति समेत रहेका सांसदले निधीले वर्तमान सरकारले जुनसुकै बेलापनि आठ दलको समर्थन प्राप्त गर्ने बताएका छन् ।
आम निर्वाचन पश्चात् जनताले दिएको जनादेशअनुसार सरकार सञ्चालन हुनुपर्छ । सांसद निधीले भने, ‘चुनावपछिको गठबन्धनमा आपसी तालमेल नमिलेका गठबन्धन टिक्न सकेन ।
’राजनैतिक दलहरुको जनादेश र चुनावी गठबन्धन अलग अलग भएकाले लोकतान्त्रिक जमात असन्तुष्ट बनेका थिए । अहिले सुखद वातावरण बनेको उनको तर्क छ ।
नेपाली काँग्रेसले वर्तमान प्रधानमन्त्री प्रचण्डलाई विश्वासको मत दिएर कोर्ष करेक्सन गर्ने बित्तिकै राजनिति र उपलब्धीहरु सुरक्षित हुनेगरी राजनितिक धार अगाडि बढेको निधीले बताए ।
कार्यक्रममा युनियनको प्रादेशिक कार्यसमितिका पदाधिकारीहरुलाई प्रमाणपत्र वितरण गर्दै पदस्थापन गरिएको छ । त्यस्तै, प्रेस युनियनमा लामो समयसम्म योगदान पुर्याएका प्रेस स्वतन्त्रता सेनानी पत्रकार राम भरत साह र पत्रकार शैलेन्द्र झालाई दीर्घसेवा सम्मानबाट सम्मानित गरिएको छ ।
