काठमाडौं,१६ फागुन । निर्वाचन आयोगले राष्ट्रपति तथा उपराष्ट्रपतिको निर्वाचनका लागि बुधवार देखि चैत ५ सम्म कायम रहने गरी निर्वाचन आचारसंहिता जारी गर्ने निर्णय गरेको छ ।
आयोगको माघ १६(२०७९ को निर्णयअनुसार आउदो २५ गते राष्ट्रपति र आगामी चैत ३ मा उपराष्ट्रपति पदका लागि निर्वाचन हुँदैछ ।
संवैधानिक व्यवस्थाअनुसार उक्त निर्वाचनका लागि सङ्घीय संसद्मा हाल कायम ३ सय ३२ र प्रदेशसभाका ५ सय ५० गरी कूल आठ सय ८२ मतदाता रहेको निर्वाचक मण्डल गठन हुनेछ ।
स्वीकृत कार्यक्रमबमोजिम राष्ट्रपतिको निर्वाचनका लागि निर्वाचन अधिकृतको कार्यालय स्थापना भई यही १३ फागुन उम्मेदवारीका लागि मनोनयनपत्र दर्ता भइसकेको छ ।
