जसपाको सम्पर्क कार्यालय स्थापना

जनकपुरधाम ३१ असोज । मंसिरमा हुन गईरहेको प्रतिनिधिसभा तथा प्रदेशसभा सदस्यको निर्वाचनलाई लक्षित गर्दै जनता समाजवादी पार्टी नेपाल (जसपा)ले आफ्ना चुनाबी गतिविधि अगाडि बढाएको छ ।
मनोनयन दर्ता सम्पन्न गतै जसपाले धनुषाको तिनकौरिया चौकमा पार्टीको सम्पर्क तथा क्षेत्रीय कार्यालय स्थापना गरेर निर्वाचन लक्षित गतिविधिहरु अगाडि बढाएको छ । जसपा नेपालका केन्द्रिय राजनीतिक समिति सदस्य अरुण सिंह मण्डलले विदेह नगरपालिकाको तिनकौरिया चौकमा क्षेत्रीय सम्पर्क कार्यालयको उद्घाटन गरेका छन् । प्रतिनिधिसभा सदस्यका लागि गंगाराम यादव धनुषा क्षेत्र नम्बर २ बाट उम्मेदवार हुन भने प्रदेश सभा सदस्य १ को (ख) राम आशिष यादव त्यसैगरी १को (क)शैलेन्द्र कुमार यादव प्रदेश सभा सदस्य पदका उम्मेदवार हुन । प्रतिनिधिसभा सदस्यका उम्मेदवार गंगारामले निरन्तर जनताको सेवामा खटेर गरेकोले यस क्षेत्रमा जसपाबाट निर्वाचित भए पछि विकासको लहर ल्याएउने बताएको छ । जनताले जसपाकामको मूल्यांकन गरेर निर्वाचित गराउने यादबले बताए । यस कार्यक्रममा क्षेत्रीय अध्यक्ष उमेश निराला,ममता मण्डल केन्द्रिय सदस्य,विजय मण्डल सघिय परिषद सदस्य,चन्द्रदिप गोइत यादव,लगाईत क्षेत्र भरिका नेता कार्याकर्ताहरुको उपस्थिति रहेको थियो ।