दुधमतीमा जितिया मेला सुरु

केपी रिपोटर: निभा झा
महेन्द्रनगर १ आश्विन : धनुषाको क्षीरेश्वरनाथ नगरपालिकामा ५मा पर्ने दुधमती चौकमा  श्री श्री १०८ जितिया (जितवाहन) मेला सुरु भएको छ । मेलाको उपलक्ष्यमा शनिवार  एक समारोहबीच कलश यात्रा निकालिएको थियो ।
मेला दुधमती सेवा समितिको आयोजना र वार्ड नं ५का स्थानीयहरुको सहयोगमा बिगत १० साल देखि लाग्दै आईरहेको र मेला दुई दिन सम्म चल्ने मेला समितिले बताए ।
कलश यात्रामा वार्ड अध्यक्ष जिबछ मण्डल, बुधिजीबि,ब्यपारी पत्रकार लगायतको सहभागी थियो ।
तराईमा श्रद्धापूर्वक तीन दिनसम्म जितिया पर्व मनाइन्छ । सन्तानको सुख, शान्ति र दिर्घायुको कामना गर्दै महिलाहरुले ३६ घण्टासम्म निराहार बसेर जितिया पर्व मनाउने गर्छिन् ।
राजा शालिवहानको राज्यमा एउटी महिलाका सात छोरालाई दैत्यले उठाएर लगेपछि राजाले सातै छोरालाई दैत्यबाट फिर्ता ल्याइदिएका कारण महिलाले त्यस दिनदेखि शालिवहानलाई ‘जितुमाहन’ नामकरण गरी राजाको सम्झनामा उपवास बस्न थालेकाले यो व्रत शुरु भएको पौराणिक कथन छ ।