जनकपुरधाम,७ माघ गते । भारत उत्तर प्रदेशको अयोध्यामा नवनिर्मित राम मन्दिरको प्राण प्रतिष्ठामा सप्तरीको राजविराज नगरपालिकाले सार्वजनिक बिदा दिएका छन ।
भोलि (सोमबार) राम मन्दिरको प्राण प्रतिष्ठा हुँदै छ । सो अवसरमा राजविराज नगरपालिकाले सार्बजनिक बिदा घोषणा गरेको छ ।
कार्यबाहक नगरप्रमुख इसरत परविनले एक सूचना जारी गर्दै रामको प्राण प्रतिष्ठाको दिन मातहतको सबै निकायमा बिदा रहेको बताए। सूचनामा सो दिन नगरपालिका भित्र माछा, मासु, मदिरा विक्रीवितरण बन्द गर्न पनि अपिल गरेका छन ।
भगवान रामको प्राण प्रतिष्ठा हुने दिन सनातनी हिन्दु धर्मावलम्बीका लागि विशेष दिन भएकाले पालिका भित्रको घरघर तथा मठमन्दिरमा दिप प्रज्वलन गर्न समेत आग्रह गरेको हो ।
