जनकपुरधाम, माघ २ गते । जनकपुर–जयनगर रेलमा एक यात्रुको मृत्यु भएको छ ।
मृत्यु हुनेमा महोत्तरीको लोहरपट्टी नगरपालिका ४ खुट्टा पिपराढीको अन्दाजी ५० वर्षीय रामएकवाल पण्डित रहेको छ ।
मंगलवार बिहान ८ बजे महोत्तरीको भंगहाबाट जयनगर तर्फ जान लागेको रेलमा पण्डित लोहारपट्टीमा चढेका थिए ।
टिटीले टिकट चेक गर्ने बेला अचानक बोगीमै सिटबाट उनको लडेर मृत्यु भएको धनुषाका प्रहरी प्रवक्ता डिएसपी रञ्जन अवाले जानकारी दिए ।
मृतक पण्डितको शव पोस्टमार्टमका लागि प्रादेशिक अस्पताल जनकपुरमा राखिएको छ । घटना विषयमा थप अनुसन्धान गरिरहेको जिल्ला प्रहरी कार्यालय धनुषाले जनाएको छ ।
