काठमाडौं, २४ कातिक । मगुको छायानाथ रारा नगरपालिका–६ मुन्दु गाउँमा एकै परिवारका चार जनाको हत्यामा संलग्न आरोपमा प्रहरीले दुई जनालाई पक्राउ गरेको छ ।
उनीहरूलाई आज दिउँसो मुगुमा सार्वजनिक गर्ने तयारी रहेको छ । पक्राउ पर्नेमा मृतकका आफन्त नै रहेको प्रहरी स्रोतले जनाएको छ ।
घटनाको अनुसन्धान गर्न सिआइबीको टोली अहिले घटनास्थलमै रहेको र २ बजे पत्रकार सम्मेलन गरेर सबै जानकारी दिइने कर्णाली प्रदेश प्रहरी प्रमुख डीआइजी भीम ढकालले जानकारी दिनुभएको छ ।
गत कात्तिक ८ गते रारा नगरपालिका–६ मुन्दु गाउँमा एकै परिवारका चार जनाको हत्या भएको थियो ।
२८ वर्षीया श्रीदेवी बोहोरा, उनका छोराहरू ११ वर्षीय मनोज र ८ महिनाका रहर तथा ८ वर्षीया छोरी अप्सरा रहेका छन् ।
