जनकपुरधाम, २ कार्तिक । मधेश प्रदेश रौतहटका एक युवकको भारतको विहारमा गोली प्रहार गरेर हत्या गरेको छ ।
बिहारको रमगढवामा रौतहट सदरमुकाम गौर नगरपालिका ९ का ४० वर्षीय दिलीप सिंहको एक अज्ञात समूहले गोली प्रहार गरेर हत्या गरेको छ ।
रमगढवामै रहेको शिव शक्ति राइस एन्ड फ्लोर मिलमा मुन्सीका रूपमा कार्यरत सिंह मुजफ्फरपुरबाट पैसा संकलन गरेर फर्केपछि मिलको गेटमै गोली दागेर हत्या भएको भारतीय प्रहरीले जनाएको छ ।
गौर नगरपालिका ९ का वडाध्यक्ष अर्जुन सिंहकबा अनुसार अत्यन्त नजिकबाट प्रहार भएको गोली सिंहको छातीमै लागेकाले सिंहको घटनास्थलमै मृत्यु भएको छ ।
सिंहको साथमा भएको २९ लाख भारतीय रूपैयाँ पनि लुटेर अज्ञात समूह फरार भएको भारतीय प्रहरीले जनाएको छ ।
