काठमाण्डौं, १६ असोज । प्रधानमन्त्री पुष्पकमल दाहाल प्रचण्ड र मिलेनियम च्यालेन्ज कर्पोरेसन (एमसिसी) की प्रमुख कार्यकारी अधिकृत (सिइओ) एलिस अल्ब्राइटबीच भेटवार्ता भएको छ ।
मंगलबार बिहान प्रधानमन्त्री दाहाललाई भेट्न अल्ब्राइट प्रधानमन्त्री निवास बालुवाटार पुगेकी थिइन् । उनीहरूबीच नेपाल र अमेरिकाबीचको सहकार्यका विभिन्न आयाम र एमसिसी परियोजनाबारे छलफल भएको प्रधानमन्त्रीको सचिवालय जनाएको छ ।
एमसिसी परियोजना कार्यान्वयनको औपचारिक सुरुवात भएको एक महिनापछि अल्ब्राइट नेतृत्वको प्रतिनिधिमण्डल आइतबार काठमाडौं आइपुगेको थियो ।
