श्री एयरलाइन्सका विमानमा प्राविधिक समस्या देखिएपछि सबै उडान स्थगित

काठमाडौं,१७ असार । श्री एयरलाइन्सले आजका सबै उडान स्थगित गरेका छन ।

सबै विमानहरुको प्राविधिक परीक्षण गर्नका लागि आजको सबै उडान स्थगित गरिएको श्री एयरलाइन्सले जनाएको छ ।

शनिबार श्री एयरलाइन्सको काठमाडौंदेखि धनगढीका लागि उडेको विमान प्राविधिक समस्या देखिएपछि काठमाडौं फर्काइएको थियो ।

आज सबै विमानहरुको परीक्षण गरेपछि सोमबारदेखि सबै उडानहरु नियमित रुपमा सञ्चालन हुने एयरलाइन्सले जनाएको छ ।