काठमाडौं, १३ कात्तिक । समाचार कक्षबाटै प्रहरीले नियन्त्रणमा लिएका सबै पत्रकार रिहा भएका छन्। सञ्चारमन्त्री विक्रम तिमल्सिनाले शुक्रबार राति पक्राउ परेका सबै पत्रकारलाई मुक्त गरिएको जानकारी दिएका हुन्।
मन्त्री तिमल्सिनाले सरकार प्रेस स्वतन्त्रताको पक्षमा प्रतिबद्ध रहेको बताउँदै स्वतन्त्र प्रेस र जिम्मेवार पत्रकारिता लोकतन्त्रका महत्वपूर्ण आधार भएको उल्लेख गरेका छन्।
शुक्रबार पत्रकार विश्वमणि सुवेदी, मोटिभेट न्युजका अध्यक्ष तथा प्रधानसम्पादक शोभराज बराल र डीएनए अनलाइनका धीरज बस्नेतलाई प्रहरीले पक्राउ गरेको थियो।
पत्रकार पक्राउको घटनापछि विभिन्न क्षेत्रबाट विरोध भएको थियो। त्यसपछि प्रधानमन्त्री बालेन्द्र शाहले पक्राउ परेका सबै पत्रकारलाई रिहा गर्न निर्देशन दिएका थिए।
