काठमाडौं, ३० जेठ । काठमाडौमा नागरिकताको माग गर्दै एक युवकले पेट्रोल छर्केर आत्मदाहको प्रयास गरेका हुन् ।
राष्ट्रपति रामचन्द्र पौडेलले प्रमाणिकरण गरेको नागरिकता विधेयक सर्वोच्च अदालतले कार्यान्वयनमा रोक लगाएपछि नागरिकताविहीन संघर्ष समितिले माइतीघरमा निरन्तर प्रदर्शन गर्दै आएको छ ।
त्यस क्रममा एक युवकले आफैंलाई पेट्रोल खन्याएर आत्मदाहको प्रयास गरेको जिल्ला प्रहरी परिसरका प्रवक्ता एसपी सीताराम रिजालले जानकारी दिनुभएको छ
युवकका बाबुले २०६४ मा जन्मको आधारमा नेपाली नागरिकता लिएका थिए ।
१८ वर्ष पुगेपछि नागरिकता लिने प्रयास गरेका निरज पछिल्लो पाँच वर्षदेखि नागरिकताका लागि आन्दोलनरत छन् ।
अहिले युवकलाई उपचारका लागि राष्ट्रिय ट्रमा सेन्टरमा पठाइएको छ ।
आत्मदाह प्रयास गर्नेमा मोरङ जिल्लाको कटहरीका निरजकुमार कामत रहेका छन् ।
