जनकपुरधाम,२३ जेठ । धनुषाको जनकपुरधाम उप महानगरपालिका ८ साकेतनगरमा विद्युतको वितरण लाईन मर्मतमा ढिलाई हुँदा स्थानीय बासिन्दाहरु गर्मीमै बस्न बाध्य भएका छन् ।
जेठ २२ गते राती ९ बजेदेखि लाईन कटेको र लाईन जडान गर्ने प्राबिधिक नआउँदा गर्मीमै बस्नुपरेको स्थानीय बासिन्दा डा. रुद्र नारायण यादबले बताका छन ।
नेपाल विद्युत प्राधिकरणले विद्युत जडानका लागि प्राबिधिक पठाउन ढिलाई गरेको साकेत नगरका बासिन्दाहरुले गुनासो गरेका छन् । विद्युत अभावमा स्थानीय बासीहरुको दैनिकी कष्टकर बनेको छ ।
नेपाल विद्युत प्राधिकरण जनकपुर वितरण केन्द्रले भने प्राबिधिक जनशक्तिको कमी भएकाले समस्या भएको बताउँदै छिट्टै कर्मचारी पठाउने जनाएको छ ।
