जनकपुरधाम, २४ वैशाख । नेपाल विद्युत प्राधिकरणले जनकपुरधामको प्रादेशिक अस्पतालको विद्युत लाइन काटिदिएको छ ।
जनकपुर वितरण केन्द्रले आइतबार दिउँसोे २ बजे अस्पतालको विद्युत काटेको प्राधिकरणले जनाएको छ । पटक पटक लिखित मौखिक ताकेता गर्दा पनि अटेर गरेपछि लाइन काटेको प्राधिकरणका वितरण केन्द्र प्रमुख लखन लला मल्लिकले बताउनुभएको छ ।
अस्पतालले प्राधिकरणलाई विजुलीवापतको १ करोड २० लाख रुपैयाँ महसुल तिर्न बाँकी छ । प्रमुख मल्लिकले भने प्रादेशिक अस्पतालले १५ महिनादेखि विद्युत महसुल बुझाएको छैन ।
महसुल तिर्न पटक पटक मौखिक आग्रह र लिखित पत्र पठाएका छौं, मुख्यमन्त्री कार्यालय, सामाजिक विकास मन्त्रालय लगायतमा । तर मतलब नगरेपछि बाध्य भएर लाइन काटेका छौ ।
महसुल कहिलेसम्म तिर्ने लिखित प्रतिवद्धता गरे मात्र लाइन जोड्ने वितरण केन्द्र प्रमुख मल्लिकले बताएका छन ।
