जनकपुरधाम, १३ बैशाख । बारा क्षेत्र न.२ बाट प्रतिनिधि सभा सदस्यमा जनता समाजवादी पार्टी (जसपा)का अध्यक्ष उपेन्द्र यादव विजयी भएका छन् ।
पाँचदलीय गठबन्धनका साझा उम्मेदवार रहेका यादव ५ हजार ८१ मत अन्तरले जनमतका उम्मेदवार शिवचन्द्र कुशवाहालाई पराजित गर्दै विजयी भएका छन् ।
यादवदे २८ हजार ४१५ मत ल्याएर विजयी हुँदा उनका निकटतम प्रतिद्वन्दी जनमतका कुशवाहा २३ हजार ३३४ मतमा सिमित भएका छन ।
त्यस्तै तेस्रोमा नेकपा एमालेका उम्मेदवार पुरुषोत्तम पौडेल १० हजार २१६ मत पाएका छन् । चौथो नम्बरमा रास्वपाका उम्मेदवार रमेश खरेल २ हजार ८२९ र आमजनता पार्टीका उम्मेदवार अरुण ज्ञावाली २ हजार ७३८ मत पाएको निर्वाचन अधिकृतको कार्यालयले जानकारी दिएको छ ।
