एजेन्सी–९ चैत । भारतमा प्रमुख प्रतिपक्षी दल कंग्रेस आईका नेता एवं लोकसभा सदस्य राहुल गान्धीलाई अदालतले दुई वर्ष जेल सजाय सुनाईएको छ ।
भारतीय अपराध संहिताको दफा ४९९ र ५०० मा दोषी ठहर गर्दै भरतको सुरत जिल्ला अदालतले गान्धीलाई बिहीबार उक्त सजाय सुनाएको भारतीय संचारमाध्यमले जनाएको छ ।
गान्धीले भारतीय प्रधानमन्त्री नरेन्द्र मोदीको जातबारे गरेको टिप्पणीलाई लिएर भाजपाका एक नेताले अदालतमा मानहानी मुद्दा हालेका थिए ।
गान्धीले एउटा भाषणमा प्रधानमन्त्री मोदीको आलोचना गर्ने क्रममा गान्धीले भने‘सबै चोरहरूको मोदी साझा जात कसरी भयो? उनले भनेका थिए ।
उक्त अभिव्यक्तिले आफूहरूको अपमान भएको भन्दै गुजरातका पूर्वमन्त्री पुर्नेश मोदीले अदालतमा मुद्दा हालेका थिए । गान्धीलाई जिल्ला अदालतले आफ्नो फैसलाविरूद्ध पुनरावेदन गर्ने भए ३० दिनको समय दिएको छ भने उनलाई धरौटीमा तत्कालका लागि छोडेको छ ।
